المجهول

(3)

■ ساعدني.. انا موجود في العنوان ده.. 

♡ هساعدك.. 

""انا مش شايف حد.. تلحق مين وتساعد مين!!

♡ الطفل اللي كان هنا.. كان فيه طفل هنا..

"" مفيش غيرنا احنا الاتنين  ..

♡ طب هو اداني عنوان اهو..

"" ايدك فاضيه.. مفيش حاجه.. 

♡ لا لا لا انا مش مجنون.. انا متأكد اني كلمت طفل وهو محتاج لمساعده.. 

( تحرك في سرعة كبيره وكأنه لم يكن يعاني من التعب.. وحسن يتابعه بعين تحمل علامات التعجب ) 

"" طب استني..

♡ لازم اثبت اني مش مجنون..

( ظلا يتحركان مسافه كبيره حتي وصلا الي مكان ولاحظا تجمع عدد من الناس.. هنا توقف ومن ورائه حسن ) 

♡ هو ده العنوان.. 

"" طب استني هستفسر عن التجمع ده.. 

( ذهب حسن ليستفسر عن ما يحدث وسبب التجمع فوجد منزل منهار.  ونيران مشتعله،، واسعاف تنقل جثث ومصابين )

"" هو ايه اللي حصل هنا!!؟

☆ تحس ان العماره دي جالها زلزال لوحدها .. شوف هتلاقي باقي الشارع هادي..

( اخذ حسن يتنقل بين الناس يجمع معلومات حول ما يحدث.. ولكن عندما عاد لم يجد الشخص المجهول في مكانه.. ثم الناس تتحدث عن شخص دخل وسط الحطام.. واصوات تقول بأنه لم يعد هناك احد.. ) 

♡ انا هلحقك انا عارف انك هنا..

☆اخرج يا مجنون انت بتدمر نفسك العماره مبقتش مستقره.. بتقع .. 

♡ اديني اشاره عرفني انت فين..؟؟؟

( طلب المجهول من الكل الصمت التام.. حتي سمع صوت بسيط جدا وراء جدار ونفس كاد ان ينقطع.. وفي حركه خفيفه ازال جزء من الحطام حتي يظهر من ورائه طفل صغير.. وسط ذهول من حسن وهو يجد الطفل بين يدي الشخص المجهول ويعطيه للاسعاف لينقذوه.. ) 

"" مستحيل..!!! اللي بشوفه ده ....    ......

♡شوفت انا مش مجنون.. انت مش بتتكلم ليه؟؟ 

"" تعالي نرجع بسرعه قبل ما حد يلاحظك ويبلغ عنك..

( حسن ليس له طول الطريق سوي انه يتفحص هذا الشخص الذي وجده.. الغامض ذو الافعال الغريبه كما يشعر ) 

♡ وصلنا.. 

"" اه اه وصلنا.. انت مش جعان.. ولا نسيت الجوع..

♡ مش عارف ،، نفسي افتكر حاجات كتير.. 

¤¤¤¤¤¤¤●●●☆☆☆○○○□□■□□○●

*دكتور؟؟ 

▪︎اتمني يكون فيه اخبار كويسه.. 

* شوف الفيديو ده كده.. 

( اخذ يعيد الفيديو اكثر من مره حتي توقف امام شخص معين )

▪︎انا عايزك تروح المكان وتعرف مشيوا منين.. 

*اوامرك يا دكتور.. 

▪︎لازم اعرف روحت فين.. لازم اخفيك.. مش لازم تفتكر اي حاجه . ...

يتبع