المجهول

(2)

( اصوات داخل الرأس تسيطر على تفكير هذا المجهول) 

"" انت مين؟؟؟

♡ انا خطر.. انا مجنون.. انا شخص مجهول..

"" مفيش حد مجنون بيقول علي نفسه مجنون.. طب انت كنت فين ورايح فين!!

   

♡ انا كل اللي اعرفه اني كنت جوه سجن في مستشفي.. كل ما افوق يجي شخص يفقدني الوعي.. لحد النهارده لما فوقت زي ما تقول اللي المفروض يفقدني الوعي اتأخر.. فجأه لقيت نفسي علي سطح المستشفي..

"" ازاي.. عاوز تقولي انك اتنقلت من سرير غرفتك للسطح كده.. 

♡ ده اللي حصل.. ده اللي فاكره.. مشيت لحد ما لقيت المكان ده.. حسيت بتعب شديد،، ريحت هنا.. بس انت مين.. !! 

"" انا كنت عايش هنا.. لحد ما جه يوم واللي هنا مبقاش هنا..

♡ يعني ايه..

"" هس.. استني متتكلمش..

::: انت متأكد ان الحاله عدت من هنا؟؟ 

°° اه الصوره دي بالشكل ده شوفته معدي من هنا..

"" بتدوروا علي مين.. انتوا مين؟؟ 

::: اسفين يا حاج.. بس فيه حاله خطيره هربت من المستشفي واحنا بنحاول نوصل لها قبل ما يأذي حد..

"" ربنا يوفقكوا..بس محدش هنا.. ومقابلتش اي حد غريب هنا..المكان هنا ملك ليه.. 

::: شكرا ليك يا حاج.. لو عرفت او شوفت الحاله لازم تبلغ وتساعد الشرطه 

"" اكيد طبعا.. لو بس احتاجت حاجه انا عمك حسن.. 

( نظرات من كل جانب للتأكد من عدم وجود اي شخص بالقرب منهم ) 

"" اخرج خلاص راحوا بعيد.. 

♡ ليه مقولتش اني هنا..!!! انا خطر علي اي حد...

"" واضح انك وراك سر كبير .. وبعدين انا مش شايف قدامي اي مجنون.. انت بس فاقد للذاكره.. ممكن يكون حصلك حادثه..او صدمه كبيره..

♡ انا جوه راسي اصوات كتير مش قادر اشيلها.. شويه ضحكات وشويه بكاء.. انا مش عارف حتي اسمي.. 

"" اللي متأكد منه انك ضحيه لصدمه كبيره... اهم حاجه لازم تغير من نفسك علشان تعرف تتحرك..

♡ انت مش خايف مني.. انا شايفك بتتكلم وكأننا معرفه بقالنا عمر.. 

"" شوفت الجدران دي.. دي كانت عماره.. عمارتي... مقاول معندوش ضمير ضحك عليه في بناها .. ولأن الموضوع كان نصب في نصب العماره طلعت هشه.. بعد ما نقلت هنا.. وقعت وجواها كل حياتي زوجتي واولادي.. علشان كده مش بفارق هنا.. ولا بقيت اخاف من حاجه.. المهم انت لازم تغير في نفسك .. انا هساعدك.. 

( من مكان قريب سمع صوت طفل يبكي ) 

■ عمو  ساعدني انا محتاجك.. 

♡ انت سامع حاجه!!! 

"" لا.. سامع ايه؟؟ 

♡ صوت طفل طالب مساعده.. اهو استني..

■ ساعدني.. الحقني.. 

♡ انت اسمك ايه!! 

"" انت بتكلم نفسك.. يظهر شكلك مجنون بجد 

يتبع